Khotbah Bahasa Batak yang Perdana

Khotbah 18 November 2022

Roma 1: 1-7

Tomu ma Ibana na pinarbaga ni Jahowa

Sambutlah Dia yang Dijanjikan Allah

Horas di hamu Ama nami, dohot Ina nami, naposo, remaja, sikola minggu, dohot sude ruas na marpungu di bagasan Tuhanta Debata. Parjolo, perkenalan ma jolo iba tu hamu, ruas na ro dison. Goar hu MN. Inang pangitubu boru ***. Inanta i siluluan dope.

Par-Jakarta do au, jadi minta maaf ma au parjolo molo umgodang iba marbahasa Indonesia sian marbahasa Batak. Na naeng marsiajar do iba lao tu Sumatra Utara on. Paroroan niba tu Sumatra Utara on, ima naeng lao mandaftar lao tu ujian masuk calon pandita ma na. Tangianghon ma damang dainang asa lolos iba, asa gabe pandita si tutu na boi sitiruon sian pakkataion, tung pe sian pangalahonku. Molo disukkun damang dainang sian dia diboto iba huria on. Kebetulan dison do itoku marhobas. Ima otik sian iba.

Turpuk di jamita di Minggu advent parpudi on ima sian Rom sada ayat sada sahat tu ayat pitu.

Damang dainang dohot diangka naposo, molo mamereng turpuk on, ise ma Jesus? Didok dison, Jesus i tutu do manisia songon hita, na tinubuhon sian pomparan ni Raja Daud. Alai molo mangihuthon Tondi na Badia, tutu do Ibana Jahowa Debatanta sian Haheheon ni Jesus i sian hamatean. Alani huaso dohot asi ni Tuhan i do, Saulus na parjahat i dibahen gabe naposo ni Tuhan i na mamaritahon barita na uli sian Debata. Dang boi hita mandapathon aha na tutu di bagasan Tuhan i molo dang dilehon Tuhan. Damang dainang, boasa tarboto hita barita ni Jesus i dison nuaeng? Ala hita ro tu gareja on do? Ala hita mambege jamita do? Ala hita mangalului parbinotoan na tigor do? Molo hita mamakke logika, ima alusna ateh. Alai aha do alusna na tikkos mangalusi sukkun-sukkun i? Boasa tarboto hita barita ni Jesus i dison nuaeng? Holan sada do alusni i. Ala denggan basa dohot holong ni Kristus i do, Saulus dibahen gabe Paulus. Ala denggan basa dohot holong ni Kristus i do, tetap do Paulus mamaritahon hata ni Tuhan i, tung pe di bagasan penjara. Ala denggan basa dohot holong ni Kristus i do, ro Munson dohot Liman tuson. Rela nasida mate di tano pangarattoan. Ala denggan basa dohot holong ni Kristus i do, ro Ompu Nomensen tu tano Batak, tano na asing di ibana. Ala denggan basa dohot holong ni Kristus i do, rela do Ompu Nomensen i mamaritahon Barita na Uli i sahat tu hamatean na. Ala denggan basa dohot holong ni Kristus i do, ro naposo ni Tuhan i tu huria on. Haroroan ni ito Bibel dison pe dang alani imana do i. Ala denggan basa dohot holong ni Kristus i do, adong rohani ito on marsiajar gabe Bibelvrow. Na parpudi, na paling penting, ala denggan basa dohot holong ni Kristus i do, boi hita marpungu dison. Dang ala ni gogota, diboto hita Barita na Uli i. Dang alani iba. Dang alani angka pandita na ro tuson. Dang alani ito Bibel. Dang alani angka Sintua na melayani dison. Asi rohani Debata do na mambahen hita boi manangihon hata ni Tuhan i, Barita na Uli i. 

Damang dainang dohot dongan naposo na ro dison, hita pe bagian sian tohonan apostel i, siala hita pe dijou Jesus i do. Kristen do na ro dison kan? Adong do na so Kristen, Amang Inang? Molo adong, dijou Tuhan i do ho asa ro tuson nuaeng. Aha ma lapatan ni Kristen? Sude na mangihutton dalan ni Kristus. Kristus do nampuna portibion, alai aha didok Imana? Ta bukka ma Mateus walu ayat duapulu. Boi do sahalak sian hita manjaha i? 

Anak ni jolma i ndang adong hapeahan ni uluna. Imana pe marbattal batu dohot tano. Pogos do Jesus i molo mamereng hepeng na. Dang adong diboan Imana manang aha lao melayani angka halak. Dang adong di roha ni Tuhan Jesus mangido hepeng sian mukjizat hamalumon dohot parbinotoan ni Tuhan i. Pogos do Jesus i nang pe sude apostel ni Tuhan i, Amang Inang. Alai ala dang terikat arta ni portibion, boi do angka apostel i fokus tu Tuhan dohot ulaon mamaritahon hata ni Debata. Ala tu Tuhan i do fokus ni nasida, angka apostel pe rela haccit secara fisik dohot mental. Jesus pe nunga manaon porsuk alani dosani angka apostel i dohot dosata. Hita pe dipangido Tuhan i asa gabe halak Kristen na tutu, na fokus tu Tuhan i di dalan pangurupionta, di dalan pelayananta, na parhalado partohonan, na so partohonan, tung pe hita huria na ro dison. Molo folus hita tu Tuhan i, sude do dilean Tuhan tu hita (Mateus onom ayat tolupulutolu). Sahalak ma manjaha Mateus onom ayat tolupulutolu. Jumolo ma lului harajaon ni Debata, unang hita parjolo mangalului pasupasu na. Molo fokus hita tu Tuhan i, porsea do iba, mangan do iba sadarion dilehon Tuhan i. Tabereng ma bagian sian ayat na parpudi di turpukta on. Molo fokus do hita tu Tuhan i, dilehon Tuhan i do tu hita basaba na i.

Huria na hinaholongan ni Jesus, makna Minggu Advent paopatton on i ma penantian haroroon Tuhan Jesus di bagasan dame sian Tuhan i. Minggu Advent pajolo, ima Minggu Harapan, Pangkirimon. Tarhirim do hita tu haroroon ni Jesus di rohatta? Paduahon, Minggu Kesetiaan, Habalangon. Setia do hita mamitte haroro ni Tuhan ni di bagasan pangalahotta na tigor? Patoluhon, Minggu Sukacita, Las ni roha. Las do rohatta paittehon haroro ni Tuhan i? Parpudi, Minggu Hadameon. Nunga mardame rohanta tu Tuhan i nang pe tu angka dongan di tingki penantian haroro ni Tuhan? Tomu ma Ibana na pinarbaga ni Jahowa marhite pangkirimon, habalangon, las ni roha, dohot dame. Tomu ma Ibana na pinarbaga ni Jahowa na manjou Paulus, nang pe hita. Tomu ma Tuhan Jesus na mambahen hita gabe halak na badia ala asi rohaNa. Manang ise pe hita di bagasan gareja on, parhalo partohonan, na so partohonan, tung pe na baru ro sadari on, tomu ma ibana na pinarbaga ni Jahowa na parjolo manomu hita dibagasan asi dohot holong ni Tuhan i. Amen.